كُجا  رَت  اوُ  زين وُ بَرگ /  اوُ شَنگ   قطارِت

كُجا     رَت   تَفنگ   بِرنوُ /  روُزِ  شكارِت

شير    پيا   كُمِيت   سوُار /   نَوهَ   عزيز   خوُ

دوُ  شكار   كمْ  نظيرهَ / كُشت سي غُلامْ خوُ

نوُمْ   اوُ   نَظر   علي   /      دوُ   ايلِ   سَگوَند

طايفَش   اَصلِ   قُلي    /     دالكَش بيرنوَند

دِ  مينِ      صَد        سوُار    /    يَكهَ   نشوُنهَ

هَمْ     دياري   كَل كُشهَ    /   شيري  زبوُنهَ

هَر   ايلي   هَر      طايفهَ      /     يَكي   ديارهَ

كَد خُدامْ    نَظر  علي   /      قانوُن   مِدارهَ

اوُ   سوُار   هَمْ       تَفنگچي /   بِرنوُ وِ شوُنِش

دوُ   خطر  سينهَ   سِپرَ    /  نِتار  دِ جوُنِش

گَزاف   ني   حَقيقَتهَ   /   اوُ    شَنگ    قطارِش

يادِمهَ   سوُار    بازي  /   سي دَس بِرِارش

دوُ   مِرامِش   سيت   بوُوِمْ  /   يا  دوُ   دليرش

دووُرِ   دُنيان   گَشتمهَ /    هيچ نِدينمْ چيش

تيرِش  دِ   خاك   نِمي رَت  /    سي    واتموُنهَ

بَنويسمْ      ايي    سِندَ   /   تاريخ   بَموُنهَ

اَسبِ  اوُ   اَسبِ   كِروُش   /    تَفنگ     بِرنوُ

مي كُشه    دِ   سَرِ زي  /   آهوُنِ  وِ   دووُ